惡搞劉江華
超級區議會選舉曲終人散，劉江華結果是落選的一人。當了14年議員，今次可算是他最大的挫折。消息傳開後，網民熱烈慶祝他落選，勁多改圖走晒出來，而且不少人更在 FB 互相瘋傳，從這裡可以知道，雖然民建聯是香港第一大黨，但原來民建聯這位副主席是咁唔受網民歡迎。
隔牆有耳：網民食花生佔領劉江華
(轉) 噚日係「香港勝利的一天」，贏咗啲乜？咪贏在輸咗個劉江華囉。做咗14年議員嘅民建聯劉江華，今年轉戰超級區議會，點知因為分票唔勻，黯然落選；難怪佢噚日外表就傷心、內心就不甘。不過有人歡喜有人愁，原來好多市民對劉江華深惡痛絕，一知道佢落選就自發走去佢議辦搞祝捷會，有成幾十人響應，齊齊「佔領劉江華」。
查實選舉有輸有贏好平常啫，無論民主派還是建制派，輸咗咪頭耷耷閃人囉。但當劉江華落選消息一出街，好多網民就喺facebook報喜，有人改圖、有人改歌、有人拍埋片，自彈自唱《香港要贏》賀劉江華敗選。總之每個人都盡了公民責任，盡量出一分力，為劉江華送上「祝福」。
網民搞「解穢宴」百人出席
佢個「香港要贏」廣告，曾被網民二次創作成「香港要贏，劉江華就要輸」，估唔到真係「開口中」。劉江華一敗激起千重浪，跟住仲有網民成立「全港各界熱烈慶祝劉江華落選委員會」，邀請大家去劉江華位於沙田隆亨邨嘅議辦祝捷，呼籲眾人自備香檳、花生、音樂等，亦有網民專登食飯餐「蛇齋餅糭解穢宴」㖭。個祝捷會有成百人出席，搞到要驚動警察到場了解。
「佔領行動」相當成功，全港網民接力改圖、upload蛋糕、鮮花相片狂賀劉江華，若然劉生早啲知道佢「民望」咁高，就唔會搞到有今日啦。
引自︰
隔牆有耳：網民食花生佔領劉江華
==================
第一次見，有議員選舉失敗，會有市民去慶祝 !?
Youtube 劉江華慘敗祝捷會 唱喜氣洋洋慶祝落選
http://www.youtube.com/watch?v=u9jStY2TM_A
Youtube 全港市民熱烈慶祝劉江華慘敗祝捷會閉幕禮
http://www.youtube.com/watch?v=ZcHDVeladl4
No comments:
Post a Comment